Анна Вундер: Қазақстан – құшағын кеңге жайған мейірімді «ана»

Анна Вундер: Қазақстан – құшағын кеңге жайған мейірімді «ана»

Версия для печати

Күні кеше президентіміздің «Комсомольская правда» газетіне берген сұхбаты шықты. Өзекті мәселелер талқыланып, көкейкесті әңгімелер айтылды. Қасым-Жомарт Кемелұлының өз сөзінде: «Қазақстандықтар этникалық шығу тегіне қарамастан, өздерін бірыңғай халық, біртұтас ұлт санайды», - деді. Расымен-ақ, әлемде 256 ұлт болса, соның 130-дан астамы бір шаңырақ астында тату-тәтті өмір сүріп келеді.

Еліміздегі этностардың достығының нығаюы, әсiресе, ортақ үйіміз – Қазақстан cияқты көп ұлт өкiлi тұратын республика үшiн өте қажет. Бұл бағытта елiмiз егемендiк алғалы қыруар шаруалар жүзеге асты және асырыла бермек.

Сондай-ақ, түр-түсі бөлек болғанымен, жүрегі бірге соққан отандастар үшін Қазақстан – құшағын кеңге жайған мейірімді «анасы» болып қала бермек. Ал тілі мен дәстүрін сақтай білген қазақ халқы өзге ұлтқа тағдырлас туған бауырындай болды. Қиын кезде болысқан қазақ елі, бейбіт заманда да бізбен бірге. Бірлігіміз жарасқан берекелі елміз! Еліміз аман, жұртымыз тыныш болсын!

Анна Вундер

«Жамбыл облыстық Немістер қауымдастығы»

қоғамдық бірлестігінің мүшесі

Back to the list