Геннадий Шиповских, ҚР Парламент Мәжілісінің депутаты: "Бірлігімізге сызат салмайық!"

Геннадий Шиповских, ҚР Парламент Мәжілісінің депутаты: "Бірлігімізге сызат салмайық!"

Версия для печати

Жамбыл облысы Қордай ауданында болған кешегі жәйт өзекті өртейді. Сол келеңсіздікте қаза болған жандардың отбасына қайғырып көңіл айтамын. Мен барлық қазақстандықтарды сабырлыққа шақырғым келеді.

Мемлекет басшысы Қ.Тоқаевтың мәлімдеме жасағанын білесіздер. Бұл оқиғаға қатысты кінәлі тұлғалар анықталып, заңға байланысты өз жазаларын алатын болады. Арнайы комиссия құрылып, бұл жайсыздықты толық бақылауда ұстап, өз шешімдерін шығармақ. Еліміздің басты байлығы – ұлттар бірлігі екенін ұмытпайық, Елбасының бейбітшілік пен татулықты ту еткен саясатының арқасында осындай бейбіт күнді кешіп келеміз емес пе?!

Ел бірлігінің сақталуына, дәріптелуіне Қазақстан халқы Ассамблеясының да қосып жатқан үлесі бар. Осы секілді оқиғаларды тудыратын арандатушыларға жол бермеуіміз керек. Еліміздің айрандай ұйыған ауызбіршілігін бұзуға мүмкіндік бермеуіміз қажет.

Барлық қазақстандықтарды сабырлы болуға шақырамын. Осы жағдайды ескере отырып, қайта орын алмауының барлық амалдарын жасауға тиіспіз.. Қой үстіне бозторғай жұмыртқалаған заманда, бірлігімізді, бейбітшілігімізді бұзушылардың, ел ішіне іріткі салушылардың арам пиғылын кесе көлденең кесіп отырған абзал. Тәуелсіз Қазақстан шаңырағының астында қазақ, өзбек, орыс секілді жүзден аса ұлт-ұлыстар баянды ғұмыр кешіп келеді.

Ол біздің бірлігіміздің, ынтымағымыздың арқасы! Сол себепті арандатуға ермей, барынша сабырлы бола білейік!

Back to the list