Қызылорда: ҚХА журналистерді төл мерекесімен құттықтады

Қызылорда: ҚХА журналистерді төл мерекесімен құттықтады

Версия для печати

Қоғам жанашыры - журналистердің кәсіби мерекесі қарсаңында Қызылорда облыстық Қазақстан халқы ассамблеясының баспасөз қызметі Журналистер мен сарапшылар клубының мүшелері және редакция ұжымдарын құттықтап, «Қоғамдық келісім» КММ директоры Уалихан Ибраевтың арнайы Құттықтау хатын табыстады.


Жедел әрі шынайы ақпарат таратып, өңірдің дамуына сүбелі үлес қосқан Сыр тілшілерінің еңбектері орасан зор. Сан салада болып жатқан оң өзгерістер жайлы қалам ұштап, соның ішінде өңіріміздегі этносаралық татулық пен жалпыұлттық бірлікті насихаттауға, қоғамдық келісім құндылықтарын ақпараттандыруға қосқан елеулі үлестері ерекше.


БАҚ өкілдері, әсіресе этносаралық ынтымақтастықты нығайтуға, өз кәсіптеріне деген адалдықтары мен маңызды әлеуметтік міндеттерді шешуге ат салысуда. Алдағы кезде де Сыр журналистері осы прогресшіл қалпынан айнымай, қоғамды толғандырып жүрген өткір проблемалардың ортасында жүреді деп сенеміз.

Әрдайым қаламдарыңызға қызықты тақырыптар ілінсін, жариялымдарыңыз жақсы жаңалықпен толықсын деп тілейміз. Кәсіптеріңізге өрлеу, еңбектеріңізге табыс, мәртебелеріңіз үстем болсын деген ізгі лебізімізді білдіреміз.

Back to the list